🏆जिल्हास्तरीय युवा पुरस्काराकरीता प्रस्ताव आमंत्रित

नितेश गट्टीवार गडचिरोली,दि.०७ मे:

महाराष्ट्र शासनाच्या क्रीडा व युवक सेवा संचालनालय, महाराष्ट्र राज्य पुणे अंतर्गत राज्याचे युवा धोरण 2012 अन्वये दि. 12 नोव्हेंबर, 2013 च्या शासन निर्णयानुसार, जिल्ह्यातील युवक, युवती व संस्थांनी केलेल्या समाज हिताच्या कार्याचा गौरव व्हावा व युवांना विकासाचे कार्य करण्यासाठी त्यांना प्रोत्साहन मिळावे यासाठी जिल्हास्तरावर जिल्हा युवा पुरस्कार प्रती वर्षी देण्यात येत असतो.

सदर पुरस्कार जिल्ह्यातील एक युवक, एक युवती व एक नोंदणीकृत संस्था यांना देण्यात येतो.

त्याअनुषंगाने सदर पुरस्काराकरीता कार्यालयाच्या वतीने वृत्तपत्रीय प्रसिद्धिद्वारे प्रस्ताव मागविण्यात येत आहे.

तरी खालीलप्रमाणे मुल्यांकनासह व पात्रतेचे निकष पूर्ण करणाऱ्या गडचिरोली जिल्ह्यातील युवक, युवती व संस्थांनी या कार्यालयातून अर्ज प्राप्त करून घेऊन आवश्यक कागदपत्र व शासन निर्णयानुसार पात्रतेच्या निकषाचे पुरावे व मुल्यांकनाच्या पुराव्याचे संपूर्ण कागदपत्रासह तसेच युवक-युवतीचे पोलीस चारित्र्य प्रमाणपत्र व संस्थेसाठी प्रस्ताव सादर करणाऱ्यांनी सर्व सदस्यांचे पोलीस चारित्र्य प्रमाणपत्रासह आपला परिपूर्ण प्रस्ताव विहित नमुन्यात दि. 01 जून 2026 पर्यंत दोन प्रतीत बंद लिफाफ्यात जिल्हा क्रीडा अधिकारी कार्यालय, जिल्हा क्रीडा संकुल, कॉम्प्लेक्स, गडचिरोली येथे सादर करावा.

तसेच शालेय शिक्षण व क्रीडा विभागाचा दि. 12 नोव्हेंबर, 2013 रोजीचा शासन निर्णयाचे अवलोकन करावे.

अधिक माहितीकरिता कार्यालयीन वेळेत कार्यालयाशी संपर्क साधावा व जिल्ह्यातील अधिकाधिक युवा क्षेत्रात कार्य करणाऱ्या युवक, युवती व संस्था यांनी प्रस्ताव सादर करावे असे आवाहन भास्कर घटाळे यांनी केले आहे.

युवक व युवतींसाठी पात्रतेचे निकष:

अर्जदाराचे वय 13 ते 35 वर्षे (पुरावा आवश्यक)

जिल्ह्यात सलग 5 वर्ष वास्तव्य आवश्यक

पुरस्कार मरणोत्तर दिला जाणार नाही,कार्याचे पुरावे (कात्रणे, फोटो, प्रशस्तीपत्रे इ.) आवश्यक,हमीपत्र व चारित्र्य प्रमाणपत्र आवश्यक,शासकीय/निमशासकीय कर्मचारी पात्र नाहीत

संस्थांसाठी पात्रता:

किमान 5 वर्ष कार्यरत नोंदणीकृत संस्था,सामाजिक कार्याचे पुरावे आवश्यक,2 वर्ष कार्यरत राहण्याचे हमीपत्र,सदस्यांचे चारित्र्य प्रमाणपत्र आवश्यक आहे.