औषध विक्रेत्यांच्या बंदच्या पार्श्वभूमीवर गडचिरोली जिल्हा प्रशासन सतर्क

गडचिरोली, (जिमाका) दि.18 : ऑल इंडिया ऑरगनायझेशन ऑफ केमिस्ट अॅण्ड ड्रगिस्ट या संघटनेने देशभरातील ऑनलाईन इंटरनेट फार्मसीच्या विरोधात बुधवार, दिनांक 20 मे 2026 रोजी संपूर्ण भारतभर किरकोळ व घाऊक औषध व्यवसाय बंद ठेवण्याचे आवाहन केले आहे. या पार्श्वभूमीवर गडचिरोली जिल्ह्यातील नागरिकांना अत्यावश्यक औषधांचा पुरवठा सुरळीत मिळावा आणि रुग्णांची गैरसोय होऊ नये यासाठी अन्न व औषध प्रशासन विभागाने विविध उपाययोजना हाती घेतल्या आहेत.

अन्न व औषध प्रशासनाने जिल्ह्यातील किरकोळ व घाऊक औषध विक्रेत्यांशी वैयक्तिक स्तरावर संपर्क साधून नियोजित बंदमध्ये सहभागी होऊ नये, असे आवाहन सातत्याने सुरू ठेवले आहे. तसेच बंदच्या काळात काही औषध दुकाने सुरू राहतील याची दक्षता घेण्यात आली असून संबंधित संघटनेच्या पदाधिकाऱ्यांनी सकारात्मक प्रतिसाद दिला आहे.

आपत्कालीन परिस्थितीत औषधांची आवश्यकता भासल्यास नागरिकांनी प्रशासनाने उपलब्ध करून दिलेल्या संपर्क क्रमांकांवर संपर्क साधावा, असे आवाहन करण्यात आले आहे.

औषध निरीक्षक : श्रीमती नालंदा उरकुडे – 9096414104

सहायक आयुक्त (औषधे) : श्री नीरज लोहकरे – 7276544972

तालुकानिहाय संपर्क क्रमांक :

सिरोंचा – 9421729671

भामरागड – 9404438383

एटापल्ली – 9421856516

आलापल्ली – 9421729384

अहेरी – 9767820220

मुलचेरा – 9421854819

आष्टी – 9422151299

चामोर्शी – 9588678242

गडचिरोली – 9421735620 / 9423422130

आरमोरी – 9403820216 / 9420973680

वडसा – 9422150640 / 8999362844

कुरखेडा – 9404831332

कोर्ची – 9422154766 / 7757005944

धानोरा – 7588772743

अन्न व औषध प्रशासनाने नागरिकांना कोणत्याही अफवांवर विश्वास न ठेवण्याचे आवाहन केले असून, अत्यावश्यक परिस्थितीत प्रशासनाशी संपर्क साधून आवश्यक सेवा घ्याव्यात, असे सहायक आयुक्त (औषधे) अन्न व औषध प्रशासन, गडचिरोली श्री नीरज लोहकरे यांनी म्हटले आहे.

#newsjagar