प्राथमिक शिक्षकांच्या प्रलंबित प्रश्नांसाठी शिक्षक संघाची धाव!

महसूलमंत्री चंद्रशेखर बावनकुळे व आमदार डॉ. मिलिंद नरोटे यांना निवेदन; समस्या सोडविण्यासाठी पाठपुरावा

नितेश गट्टीवार|जिल्हा प्रतिनिधी 

गडचिरोली,दि.१८ ऑक्टोबर :

प्राथमिक शिक्षकांच्या राज्यस्तरावरील विविध प्रलंबित प्रश्नांना वाचा फोडण्यासाठी महाराष्ट्र राज्य प्राथमिक शिक्षक संघाच्या गडचिरोली जिल्हा शाखेने पुढाकार घेतला आहे. शिक्षकांच्या समस्या मार्गी लावण्यासाठी संघाच्या जिल्हा व तालुका पदाधिकाऱ्यांनी राज्याचे महसूलमंत्री ना. चंद्रशेखर बावनकुळे आणि गडचिरोली विधानसभा क्षेत्राचे आमदार डॉ. मिलिंद नरोटे यांची प्रत्यक्ष भेट घेऊन निवेदन सादर केले.

दिनांक १७ ऑक्टोबर २०२६ रोजी गडचिरोली येथे ही भेट घेण्यात आली. प्राथमिक शिक्षकांच्या विविध प्रलंबित मागण्यांकडे शासनाचे लक्ष वेधून त्यांचे निराकरण करण्यासाठी संघाच्या पदाधिकाऱ्यांनी मंत्र्यांशी आणि आमदारांशी चर्चा केली. शिक्षकांना भेडसावणाऱ्या प्रश्नांवर तोडगा निघावा आणि प्रलंबित मागण्यांच्या पूर्ततेसाठी आवश्यक कार्यवाही व्हावी, हा या भेटीमागील प्रमुख उद्देश होता.

शिक्षकांच्या प्रश्नांसाठी संघाचा पाठपुरावा

महाराष्ट्र राज्य प्राथमिक शिक्षक संघाच्या गडचिरोली जिल्हा शाखेच्या वतीने शिक्षकांच्या विविध समस्यांबाबत सातत्याने पाठपुरावा केला जात आहे. याच अनुषंगाने राज्यस्तरावरील प्रलंबित प्रश्न शासनदरबारी मांडण्यासाठी संघाच्या पदाधिकाऱ्यांनी पुढाकार घेतला. निवेदनाच्या माध्यमातून शिक्षकांच्या मागण्यांकडे लक्ष वेधत त्या सोडविण्यासाठी सकारात्मक कार्यवाही करण्याची मागणी करण्यात आली.

या भेटीमुळे प्राथमिक शिक्षकांच्या प्रलंबित प्रश्नांवर चर्चा करण्यासाठी संघाने शासनस्तरावर पाठपुराव्याचे पाऊल उचलले आहे.

जिल्हा व तालुका पदाधिकाऱ्यांची उपस्थिती

यावेळी महाराष्ट्र राज्य प्राथमिक शिक्षक संघाचे जिल्हाध्यक्ष रघुनाथ भांडेकर, जिल्हा सरचिटणीस अशोक रॉयसिडाम, जिल्हा कार्याध्यक्ष शिलाताई सोमनकर, जिल्हा कोषाध्यक्ष राजेश चिल्लमवार, जिल्हा उपाध्यक्ष सुरेश वासलवार, धानोरा तालुकाध्यक्ष राजू मुंडले, धानोरा तालुका मुख्य सल्लागार संजय मडावी, धानोरा तालुका मुख्य संघटक तेजराज नंदगिरवार, चामोर्शी तालुका प्रसिद्धी प्रमुख सुनील सातपुते, शिक्षक संघाचे मार्गदर्शक तथा केंद्रप्रमुख पुरुषोत्तम गायकवाड, गडचिरोली तालुका मुख्य संघटक प्रकाश कुनघाडकर, शिक्षक संघाचे मार्गदर्शक दिलीप कुनघाडकर, चामोर्शी तालुका संघटक चंद्रकांत वेटे, तसेच अशोक जुवारे, राजकुमार कुळसंगे, जगदिश बावणे, सुखानंद पटणे, कोयले , साखरे सर आणि निकोसे यांच्यासह महाराष्ट्र राज्य प्राथमिक शिक्षक संघाचे असंख्य पदाधिकारी उपस्थित होते.

प्राथमिक शिक्षकांच्या प्रलंबित मागण्यांना न्याय मिळावा आणि त्यांच्या समस्यांचे निराकरण व्हावे, यासाठी संघाच्या जिल्हा व तालुका पदाधिकाऱ्यांनी एकत्रितपणे पुढाकार घेतल्याचे या भेटीतून स्पष्ट झाले.