चातगाव ग्रामसभेत आमदार डॉ. मिलिंद नरोटे यांनी घेतला गावाच्या सर्वांगीण विकासाचा आढावा

जिल्हा प्रतिनिधी|नितेश गट्टीवार 

गडचिरोली,दि.१८ जूलै:

चातगाव येथील ग्रामपंचायत कार्यालयात आयोजित विशेष ग्रामसभेत आमदार डॉ. मिलिंद नरोटे यांनी उपस्थित राहून गावच्या सर्वांगीण विकासाचा सविस्तर आढावा घेतला. या ग्रामसभेत त्यांनी प्रामुख्याने शिक्षण, आरोग्य, पिण्याचे पाणी, घरकुल आणि अवैध दारूविक्री यांसारख्या महत्त्वाच्या विषयांवर ग्रामस्थांशी थेट संवाद साधून त्यांच्या समस्या जाणून घेतल्या.

ग्रामसभेची मुख्य वैशिष्ट्ये:

थेट संवाद: डॉ. नरोटे यांनी गावकरी आणि विविध विभागांच्या प्रतिनिधींशी चर्चा करून त्यांच्या अडचणी समजून घेतल्या आणि त्या सोडवण्याचे आश्वासन दिले.

कामांचा आढावा: यापूर्वी दिलेल्या सूचनांनुसार झालेल्या विकासकामांचा आढावा घेण्यात आला.

स्थानिक समस्या: चातगाव, कुरकवाडा, टोला आणि कडेझरी येथील ग्रामस्थांनी आपल्या समस्या व मागण्या या बैठकीत मांडल्या.

लोकसहभागाचे महत्त्व: विकासासाठी केवळ सरकारी योजना पुरेशा नसून लोकसहभाग, प्रभावी संवाद आणि त्याची अंमलबजावणी अत्यंत महत्त्वाची असल्याचे मत आमदार डॉ. नारोटे यांनी व्यक्त केले.

गावाचा विकास हा लोकसहभागातूनच अधिक मजबूत आणि शाश्वत होऊ शकतो, यावर आमदारांनी भर दिला. या ग्रामसभेमुळे गावकऱ्यांमध्ये विकासाच्या आशा पल्लवीत झाल्या आहेत.