चुरमुरा येथे घराला आग;आ.रामदास मसराम यांची घटनास्थळी भेट, प्रशासनाकडून मदत मिळवून देण्याचे आश्वासन

नितेश गट्टीवार गडचिरोली दि.१८ मे:

चुरमुरा येथे प्रदीप लहुजी कोपरे यांचे घर आगीत जळून मोठे नुकसान झाल्याची माहिती मिळताच आमदार रामदासजी मसराम यांनी तात्काळ घटनास्थळी भेट देऊन पाहणी केली. यावेळी त्यांनी बाधित कुटुंबीयांची भेट घेऊन त्यांना धीर दिला तसेच प्रशासनाकडून तातडीने मदत मिळवून देण्याचे आश्वासन दिले.

घटनेची गंभीर दखल घेत आमदार  रामदासजी मसराम यांनी आपत्कालीन विभाग तसेच तहसीलदार यांच्याशी दूरध्वनीवरून संपर्क साधून तातडीने मदतकार्य व पंचनामा करण्याच्या सूचना दिल्या. या आगीत घरातील जीवनावश्यक साहित्य, धान्य, कपडे तसेच इतर वस्तूंचे मोठ्या प्रमाणात नुकसान झाले आहे.

यावेळी धनपालजी मिसार सर,मुखरू पाटील देशमुख, रवींद्र कांबळी,गुरु ताटपल्लीवार,शत्रुघ्न देशमुख,भूपेंद्र काळबांदे,संतोष कोरेकार,तसेच गावातील नागरिक व स्थानिक पदाधिकारी उपस्थित होते. ग्रामस्थांनीही बाधित कुटुंबाला मदतीचा हात देत सहकार्य केले