गावानजीक वाघाच्या हल्ल्यात शेतकऱ्याचा मृत्यू

वनविभागाच्या अधिकार्‍यांविरुद्ध तीव्र संताप

अरुण बारसागडे, उपसंपादक, न्यूज जागर, चंद्रपूर

सिंदेवाही तालुक्यात वाघाच्या हल्ल्यांचे सत्र सुरूच असून, शुक्रवारी (दि. ३०) सायंकाळी नवरगावजवळील धुमनखेडा येथील शेतकरी पत्रू रामाजी मेश्राम (वय ७५)  हे सायंकाळी ५.३० वाजताच्या सुमारास स्वतःच्या शेताकडे जात असताना गावानजीक प्राथमिक आरोग्य केंद्राजवळ वाघाने त्यांच्यावर अचानक हल्ला केला असता त्यांचा जागीच मृत्यू झाला.

घटनेची माहिती मिळताच गावकरी, वनविभागाचे अधिकारी व पोलीस घटनास्थळी दाखल झाले. मृतदेह शवविच्छेदनासाठी सिंदेवाही ग्रामीण रुग्णालयात आणण्यात आला.

२४  तारखेला तालुक्यातील पळसगाव जाट येथील नानाजी नारायण कामडी (वय ५३, रा. पळसगाव जाट)  तर  रविवारी ता. २५ ला भेंडाळा येथील अंगणवाडी शिक्षिका प्रेमीला पुंडलिक महाडोरे (वय ५०, रा. भेंडाळा, ता. सिंदेवाही) वाघाच्या हल्ल्यात  मृत्यू झाल्याची दुर्दैवी घटना घडली, त्यानंतर आज पुन्हा घडलेल्या या घटनेने परिसरात दहशतीचे वातावरण निर्माण झाले आहे. Farmer killed in tiger attack near village