भेंडाळात एका महिन्यात चौथ्यांदा नळाच्या पाण्यात ‘नारू’; ग्रामसेवकाचे अक्षम्य दुर्लक्ष, ग्रामस्थांमध्ये भीतीचे वातावरण

गावात पुरवठा होणाऱ्या नळाच्या पाण्यात एकाच महिन्यात चार वेळा नारू सदृश जंतू आढळल्याने पाणी पुरवठा करणाऱ्या स्त्रोताच्या शुद्धीकरणावर मोठे प्रश्नचिन्ह निर्माण झाले आहे. ग्रामस्थांनी या आरोग्याशी संबंधित गंभीर बाबीकडे ग्रामसेवकाचे लक्ष वेधले. मात्र, वारंवार सांगूनही प्रशासनाकडून कोणतीही ठोस उपाययोजना किंवा पाण्याच्या टाक्यांची स्वच्छता करण्यात आलेली नाही. पर्याय नसल्याने ग्रामस्थांना हेच दूषित पाणी वापरावे लागत असून, यामुळे गावातील लहान मुले, वृद्ध आणि नागरिकांचे आरोग्य धोक्यात आले आहे.