अपघातग्रस्त तरुणाला पाहताच बैठक सोडली; स्वतःचे वाहन देऊन उपचारासाठी पाठविले!

कुणघाडा गावाजवळ माणुसकीचा प्रत्यय; भोलु सोमनानी यांनी दाखविलेल्या संवेदनशीलतेचे परिसरात कौतुक

चामोर्शी : गडचिरोली–चामोर्शी मार्गावर कुणघाडा गावाजवळ अपघातात जखमी झालेल्या एका अनोळखी तरुणाला वेळीच मदत मिळवून देत भोळू उर्फ भोळू सोमनानी यांनी माणुसकीचे दर्शन घडविले. विशेष म्हणजे, महत्त्वाच्या बैठकीसाठी जात असतानाही त्यांनी आपले काम बाजूला ठेवून जखमी तरुणाच्या मदतीला धाव घेतली आणि स्वतःचे वाहन उपचारासाठी उपलब्ध करून दिले.

मिळालेल्या माहितीनुसार, भोलु सोमनानी हे एका महत्त्वाच्या बैठकीच्या निमित्ताने गडचिरोलीहून चामोर्शीच्या दिशेने प्रवास करीत होते. नियोजित वेळेत बैठकीच्या ठिकाणी पोहोचण्याची घाई असतानाच कुणघाडा गावाच्या परिसरात रस्त्याच्या कडेला अपघातग्रस्त अवस्थेत एक तरुण पडलेला त्यांच्या निदर्शनास आला.

परिस्थितीचे गांभीर्य लक्षात येताच त्यांनी क्षणाचाही विलंब न करता आपले वाहन थांबवले. अपघातात जखमी झालेल्या तरुणाला तातडीने वैद्यकीय उपचारांची गरज असल्याचे लक्षात आल्यानंतर त्यांनी स्वतःचे वाहन त्याच्या मदतीसाठी उपलब्ध करून दिले. त्यानंतर जखमी तरुणाला उपचारासाठी रवाना करण्यात आले.

बैठकीपेक्षा माणसाचा जीव महत्त्वाचा!

या घटनेतील विशेष बाब म्हणजे, मदतीची वेळ आली तेव्हा सोमनानी यांच्यासमोर स्वतःच्या कामाचे महत्त्वाचे वेळापत्रक होते. मात्र, “आधी माणसाचा जीव वाचला पाहिजे” या भावनेतून त्यांनी नियोजित कामापेक्षा जखमी तरुणाच्या मदतीला प्राधान्य दिले.

रस्त्यावर अपघात झाल्यानंतर जखमी व्यक्तीला वेळेत वैद्यकीय मदत मिळणे अत्यंत महत्त्वाचे असते. अशा वेळी उपस्थित नागरिकांनी संवेदनशीलता दाखवून तातडीने मदत करणे गरजेचे आहे. सोमनानी यांनी दाखविलेली तत्परता याच सामाजिक जबाबदारीची जाणीव करून देणारी ठरली.

माणुसकी अजूनही जिवंत असल्याचा संदेश

या घटनेनंतर परिसरात भोलु सोमनानी यांच्या तत्परतेचे कौतुक होत आहे. स्वतःचे काम, बैठक आणि वेळ बाजूला ठेवून संकटात सापडलेल्या अनोळखी व्यक्तीला मदतीचा हात देणे, हीच खरी सामाजिक बांधिलकी असल्याची भावना नागरिकांकडून व्यक्त होत आहे.

अपघातग्रस्त व्यक्तीला वेळीच मदत मिळाल्यास त्याचा जीव वाचण्यास मोठी मदत होऊ शकते. त्यामुळे रस्त्यावर अशा घटना घडल्यास केवळ बघ्याची भूमिका न घेता, परिस्थितीचे गांभीर्य ओळखून सुरक्षितपणे तातडीची मदत करण्याचा संदेशही या घटनेतून अधोरेखित झाला आहे.