शेतकरी बचाव जनआंदोलन समितीचा एल्गार! भेंडाळा येथे उद्या शेतकऱ्यांची महत्त्वपूर्ण बैठक; भूसंपादन सुनावणीच्या मुद्द्यावर होणार चर्चा

फराडा, वेलतूर येथील भूसंपादन सुनावणीसंदर्भात नोटीस मिळालेल्या शेतकऱ्यांच्या उपस्थितीवर भर; पुढील आंदोलनाची दिशा ठरणार!

जिल्हा प्रतिनिधी|गडचिरोली(चामोर्शी)  : शेतकऱ्यांच्या हक्कांसाठी आणि न्यायासाठी लढा उभारणाऱ्या शेतकरी बचाव जनआंदोलन समिती, भेंडाळा परीसर यांच्या वतीने सर्व शेतकरी बांधवांसाठी महत्त्वाची सूचना जारी करण्यात आली आहे. फराडा, वेलतूर येथील भूसंपादन सुनावणीच्या पार्श्वभूमीवर शेतकऱ्यांची महत्त्वपूर्ण बैठक मंगळवार, दिनांक १३ ऑक्टोबर २०२६ रोजी सकाळी ११ वाजता किसान भवन, भेंडाळा येथे आयोजित करण्यात आली आहे.

या बैठकीत भूसंपादन सुनावणीसंदर्भात नोटीस प्राप्त झालेल्या शेतकऱ्यांच्या उपस्थितीबाबत सविस्तर चर्चा करण्यात येणार आहे. तसेच शेतकऱ्यांच्या समस्या, त्यांचे हक्क आणि पुढील आंदोलनाची दिशा यावर विचारविनिमय होणार आहे.

शेतकरी बांधवांनो, एकजुटीने उपस्थित राहा!

भूसंपादनासारख्या महत्त्वपूर्ण विषयावर शेतकऱ्यांची भूमिका प्रभावीपणे मांडण्यासाठी संघटित राहणे गरजेचे आहे. त्यामुळे संबंधित गावांतील तसेच नोटीस प्राप्त झालेल्या सर्व शेतकरी बांधवांनी या बैठकीला वेळेवर उपस्थित राहावे, असे आवाहन शेतकरी बचाव जनआंदोलन समितीच्या वतीने करण्यात आले आहे.

शेतकऱ्यांच्या प्रश्नांवर चर्चा करून पुढील कृती ठरविण्याच्या दृष्टीने ही बैठक महत्त्वपूर्ण मानली जात आहे. त्यामुळे या बैठकीत कोणती भूमिका घेतली जाते आणि पुढील आंदोलनाची दिशा काय ठरते, याकडे संबंधित शेतकऱ्यांचे लक्ष लागले आहे.

बैठकीचा तपशील

दिनांक : मंगळवार, १३ ऑक्टोबर २०२६

वेळ : सकाळी ११ वाजता

स्थळ : किसान भवन, भेंडाळा

प्रमुख विषय : फुराडा, वेलतूर येथील भूसंपादन सुनावणीसंदर्भात नोटीस प्राप्त झालेल्या शेतकऱ्यांच्या उपस्थितीबाबत चर्चा आणि पुढील आंदोलनाची दिशा निश्चित करणे.

शेतकरी एकजूट हाच संघर्षाचा आधार! आपल्या हक्कांच्या प्रश्नावर गांभीर्याने चर्चा करण्यासाठी सर्व संबंधित शेतकरी बांधवांनी वेळेवर उपस्थित राहावे, असे आवाहन समितीने केले आहे.