पदवीधर निवडणुकीसाठी महाविकास आघाडीच्या प्रचाराला वेग!

जिल्हा प्रतिनिधी | गडचिरोली

देसाईगंज (वडसा) : नागपूर विभाग पदवीधर मतदारसंघ निवडणूक २०२६ च्या पार्श्वभूमीवर महाविकास आघाडी आणि भारतीय राष्ट्रीय काँग्रेस पक्षाचे अधिकृत उमेदवार अभिजीत वंजारी यांच्या प्रचाराला वेग आला आहे. त्यांच्या प्रचारार्थ सोमवार, दिनांक १२ ऑक्टोबर २०२६ रोजी देसाईगंज (वडसा) येथील नूर अली सा. मिल, अर्जुनी टी-पॉइंट येथे महत्त्वपूर्ण बैठक पार पडली. या बैठकीत पदवीधर मतदारसंघ निवडणुकीच्या अनुषंगाने उपस्थित पदाधिकारी व कार्यकर्त्यांशी संवाद साधण्यात आला.

नागपूर विभाग पदवीधर मतदारसंघाच्या निवडणुकीत महाविकास आघाडीचे अधिकृत उमेदवार अभिजीत वंजारी यांच्या प्रचाराचे नियोजन, कार्यकर्त्यांची भूमिका आणि पदवीधर मतदारांपर्यंत पक्षाची भूमिका पोहोचविण्याच्या दृष्टीने या बैठकीला महत्त्व प्राप्त झाले.

या प्रसंगी आमदार सुधाकर अडबाले, माजी काँग्रेस कमिटी अध्यक्ष महेंद्र ब्राह्मणवाडे, माजी काँग्रेस कमिटी अध्यक्ष प्रकाश इटणकर, माजी सभापती परसराम टिकले, माजी जिल्हा परिषद उपाध्यक्ष तथा कुरखेडा काँग्रेस कमिटी अध्यक्ष जीवन पाटील नाट, ज्येष्ठ नेते यादवराव ठाकरे, काँग्रेस कमिटी तालुकाध्यक्ष राजेंद्र बुल्ले, मनोज अग्रवाल, मिलिंद खोब्रागडे, माजी जिल्हा परिषद सदस्य प्रभाकर तुलावी, काँग्रेस कमिटी जिल्हा उपाध्यक्ष दिलीप घोडाम, दुष्यंत नामदेव कीरसान, जयंत हरडे, इलियास पठाण, माजी सभापती गिरीधर तीतराम, माजी जिल्हा परिषद सदस्य दिगंबर मेश्राम, मनोहर डांगे, माजी नगराध्यक्षा शालूताई दंडवते, माजी जिल्हा परिषद सदस्य जयमाला पेंदाम, कमलेश बारस्कर, वैष्णवी आकरे, प्रकाश समर्थ, उ. बा. ठा. तालुकाध्यक्ष विलास ठाकरे, डॉ. श्रीकांत बन्सोड, माजी नगराध्यक्ष तथा नगरसेवक श्यामभाऊ उईके, निशांत वनमाळी, काँग्रेस कमिटी सोशल मीडिया अध्यक्ष कैलास वानखेडे, गजानन सेलोटे, वसीम शेख, रवींद्र नैताम आणि हंसराज लांडगे यांच्यासह अन्य पदाधिकारी व कार्यकर्ते उपस्थित होते.

पदवीधर मतदारांच्या संपर्कावर भर

या बैठकीच्या माध्यमातून पदवीधर मतदारसंघाच्या निवडणुकीसाठी संघटनात्मक पातळीवर समन्वय साधण्यावर भर देण्यात आला. उपस्थित पदाधिकारी व कार्यकर्त्यांनी प्रचाराच्या अनुषंगाने चर्चा केली. आगामी निवडणुकीच्या पार्श्वभूमीवर पदवीधर मतदारांशी संपर्क वाढविणे आणि उमेदवाराच्या प्रचाराला गती देणे, या दृष्टीने ही बैठक महत्त्वपूर्ण ठरली.

देसाईगंज येथील या बैठकीमुळे नागपूर विभाग पदवीधर मतदारसंघ निवडणुकीच्या पार्श्वभूमीवर काँग्रेस व महाविकास आघाडीच्या स्थानिक राजकीय हालचालींना वेग आल्याचे चित्र दिसून आले.