चामोर्शी येथे मुख्य मार्गावर मोकाट जनावरांमुळे वाहतूक कोंडी – स्थानिक प्रशासनाचे दुर्लक्ष.

सोनू वाळके,जिल्हाप्रतिनिधी.

नगर पंचायत ला वारंवार लक्षात आणून दिल्यावर सुद्धा गप्प का ??

गावातील कित्येक समस्ये कडे स्थानिक प्रशासनाचे दुर्लक्ष.

नगर पंचायत चा प्रशासकीय कारभार रामभरोसे.

चामोर्शी

मोकाट जनावरे (गाय, बैल, कुत्रे) रस्त्यावर बसल्यामुळे आणि फिरल्यामुळे वाहतूककोंडी व वाहतूक अपघातांची समस्या दिवसेंदिवस वाढत आहे। Chamorshi येथील मुख्य मार्गावर  मोकाट जनावरांचा त्रास तीव्रपणे जाणवतो।सकाळी व संध्याकाळी वाहनांची गर्दी असताना गायी, बैल रस्त्यावर थांबतात, ज्यामुळे वाहनचालकांना अचानक ब्रेक लावावे लागतात; यामुळे अपघात व वाहतूक अडथळा निर्माण होतो।पादचारी, विद्यार्थी, महिला वर्ग या जनावरांमुळे घाबरतात आणि सुरक्षित वाटत नाही।नागरीक, व्यापारी, वाहनचालक, पादचारी यांना रोजच्या प्रवासात त्रास सहन करावा लागतो; काहीवेळा जनावरांचेही जीव धोक्यात येतात।

नगरपंचायत किंवा स्थानिक प्रशासनाकडून मोकाट जनावरे पकडण्याच्या मोहिमा अपुऱ्या असल्याची आणि कारवाईमध्ये उदासीनता असल्याची दिसून येते.काही भागात दंडात्मक कार्रवाई आणि जनजागृतीची मागणी होत आहे, तसंच शेतकरी किंवा जनावरांचे मालक जबाबदार धरून कारवाई करावी, असाही सूर उमटलाय।बाजार चौक,मार्कंडमोहल्ला रोड, आष्टी रोड, केंद्र शाळा,मेन रोड अशा विविध भागात या समस्येमुळे अपघातांची आणि वाहतूककोंडीची अनेक उदाहरणे समोर आली आहेत; रस्त्यांवर जनावरे मधोमध बसल्याने वाहनचालक विवंचनेत आहेत।रस्त्यावर बसलेली जनावरे रात्रीच्या वेळी दिसत नाहीत, यामुळे गंभीर अपघात होतात।

मोकाट जनावरांमुळे शहर व ग्रामीण भागात वाहतूककोंडी, अपघात, नागरी त्रास आणि सार्वजनिक सुरक्षेला धोका निर्माण झाला आहे. प्रशासनाच्या तातडीच्या कारवाईची, दंड आणि जनजागृती मोहिमांची आवश्यकता स्थानिक नागरिक वारंवार व्यक्त करत आहे.