वार्तापत्र
दिनांक :- 11/11/2024
जावेद अली गडचिरोली
गडचिरोली दि. 11 ते 13 नोव्हेंबर या तीन दिवसांत गडचिरोली, देसाईगंज व अहेरी येथे पोलीस दलातील अधिकारी/अंमलदारांकरीता टपाली मतदान प्रक्रिया पार पडणार
आज एकुण 1222 पोलीस अधिकारी/अंमलदार यांनी बजावला टपाली मतदान करुन मतदानाचा हक्क
गडचिरोली जिल्ह्रात विधानसभा सार्वत्रिक निवडणूक 2024 च्या अनुषंगाने 68-गडचिरोली, 67-आरमोरी व 69-अहेरी या विधानसभा मतदार संघंाकरीता दिनांक 20/11/2024 रोजी मतदान प्रक्रिया पार पडणार आहे. निवडणूक काळात पोलीस दल हे निवडणूक प्रक्रिया शांततापूर्ण वातावरणात व यशस्वीपणे पार पाडण्याकरिता बंदोबस्तात तैनातीस राहणार असल्याने त्यांना स्वत:चे मतदान करता येत नाही. ही बाब लक्षात घेत निवडणूक आयोगाच्या मार्गदर्शक सुचनांचे तंतोतंत पालन करुन जिल्हाधिकारी कार्यालयामार्फतीने गडचिरोली पोलीस दलातील अधिकारी/अंमलदार यांचेकरीता दिनांक 11 ते 13 नोव्हेंबर 2024 असे तीन दिवस तहसिल कार्यालय देसाईगंज, आय.टी.आय कॉलेज नागेपल्ली (अहेरी) व तहसिल कार्यालय, गडचिरोली येथे टपाली मतदान करण्याची सुविधा उपलब्ध करुन देण्यात आलेली असल्याने आजपासून सदर तिन्ही ठिकाणी योग्य त्या चोख पोलीस बंदोबस्ताच्या सुरक्षिततेत टपाली मतदान प्रक्रिया सुरु करण्यात आलेली आहे. News Jagar
आज दिनांक 11/11/2024 रोजी घेण्यात आलेल्या विविध ठिकाणच्या टपाली मतदान प्रक्रियेत तहसिल कार्यालय गडचिरोली-484, तहसिल कार्यालय, देसाईगंज-235 व आय.टी.आय कॉलेज नागेपल्ली (अहेरी)-503 असे एकुण 1222 पोलीस अधिकारी व अंमलदार यांनी टपाली मतदान करुन आपल्या मतदानाचा हक्क बजावलेला आहे. सदरची टपाली मतदान प्रक्रिया ही पुढील दोन दिवस सुरु असणार आहे. सदर टपाली मतदान प्रक्रिया पारदर्शकपणे पार पाडण्यासाठी पोलीस अधीक्षक श्री. नीलोत्पल यांच्या मार्गदर्शनाखाली गडचिरोली पोलीस दलाचा कडक बंदोबस्त लावण्यात आलेला आहे.
